អ្នកវិភាគឯករាជ្យមានជំនឿទៅលើតួអង្គព្រះមហាក្សត្រ
ក្នុងការសម្របសម្រួលផ្នែកនយោបាយ
ឬការរកដំណោះស្រាយជុំវិញភាពមិនប្រក្រតីផ្សេងៗ ដែលកើតមាននៅមុន
និងក្រោយការបោះឆ្នោតសភាអាណត្តិទី៥ ថ្ងៃទី២៨ ខែកក្កដា។
ការប្រកាសលទ្ធផលបោះឆ្នោតបណ្ដោះអាសន្ន
ដោយគណៈកម្មាធិការជាតិរៀបចំការបោះឆ្នោត (គ.ជ.ប) បានឲ្យដឹងថា
គណបក្សប្រជាជនកម្ពុជា
បានទទួលសំឡេងគាំទ្រច្រើនជាងគណបក្សផ្សេងទៀតដែលបានចូលរួមប្រកួត
ក្នុងការបោះឆ្នោត។ ប៉ុន្តែលទ្ធផលនោះ
មិនត្រូវបានគណបក្សសង្គ្រោះជាតិ ទទួលយកឡើយ និងបានចាត់ទុកថា
ជាលទ្ធផលបានមកពីការបន្លំ បោក និងលួច សន្លឹកឆ្នោតទៀតផង។
គណបក្សប្រជាជនកម្ពុជា
គឺជាគណបក្សគ្រប់គ្រងប្រទេសអស់រយៈពេលយូរឆ្នាំ។
គណបក្សនេះធ្លាប់បានឈ្នះឆ្នោតភ្លូកទឹកភ្លូកដីស្ទើរតែគ្រប់
អាណត្តិទាំងអស់។
ប្រជាពលរដ្ឋភាគច្រើនបោះឆ្នោតឲ្យគណបក្សនេះកាលពីមុន អាចគិតថា
មេដឹកនាំរបស់គណបក្សប្រជាជនកម្ពុជា
ជាអ្នករំដោះប្រជាពលរដ្ឋចេញពីរបបកម្ពុជាប្រជាធិបតេយ្យ។
បើទោះបីជាការបោះឆ្នោតជ្រើសតាំងតំណាងរាស្ត្រនីតិកាលទី៥ នេះ
បានចប់ទៅហើយក្តី ក៏វានៅតែជាប្រធានបទក្តៅ
ដែលប្រជាពលរដ្ឋទូទៅកំពុងបន្តតាមដានយ៉ាងយកចិត្តទុកដាក់។
ប្រជាពលរដ្ឋទូទៅ ជាពិសេសយុវវ័យតែម្តង
បានចូលរួមយ៉ាងសកម្មក្នុងរយៈពេលជាងមួយខែកន្លងមកនេះ
ដើម្បីតាមដានគាំទ្រ អង្កេត
និងចូលរួមសកម្មភាពផ្សេងៗក្នុងអំឡុងពេលយុទ្ធនាការឃោសនាបោះឆ្នោត
និងពេលបោះឆ្នោត។
ការបោះឆ្នោតរើសសមាជិកតំណាងរាស្ត្រអាណត្តិទី៥ បានចប់ទៅហើយ។
ការប្រកាសលទ្ធផលជាផ្លូវការដោយគណៈកម្មាធិការជាតិរៀបចំការបោះ
ឆ្នោត មិនទាន់បានធ្វើនៅឡើយទេ ប៉ុន្តែគណបក្សប្រជាជនកម្ពុជា
បានប្រកាសថា ប្រភពព័ត៌មានរបស់ខ្លួនបានបញ្ជាក់ថា
គណបក្សប្រជាជនកម្ពុជា
បានទទួលសំឡេងគាំទ្រច្រើនជាងគណបក្សសង្គ្រោះជាតិ។
កម្ពុជា
ធ្លាប់មានប្រវត្តិសាស្ត្រជាប់គាំងផ្នែកនយោបាយក្រោយពីបោះឆ្នោតដែល
មិនអាចបង្កើតរដ្ឋាភិបាលបានភ្លាមៗចំនួនពីរលើកហើយ គឺនៅឆ្នាំ១៩៩៣
និងនៅឆ្នាំ២០០៣
ដោយសារតែបក្សចាញ់ឆ្នោតមិនទទួលយកលទ្ធផលបោះឆ្នោត។
ហើយភាពតានតឹងរវាងអ្នកនយោបាយនៅបក្សផ្សេងគ្នា
បានវាយប្រហារពាក្យសម្ដីដាក់គ្នាទៅវិញទៅមក
រវាងប្រធានបក្សហ៊្វុនស៊ិនប៉ិច របស់សម្ដេចក្រុមព្រះ នរោត្តម រណឫទ្ធិ
និងអនុប្រធានបក្សប្រជាជន លោក ហ៊ុន សែន។
បន្ទាប់ពីគណបក្សប្រជាជនកម្ពុជា ប្រកាសថាខ្លួនឈ្នះឆ្នោត
និងបន្ទាប់ពីគណបក្សប្រឆាំងបានប្រកាសឆ្លើយតបវិញភ្លាមថា
ពួកគេមិនអាចទទួលយកលទ្ធផលបោះឆ្នោតបានទេ។
ពលរដ្ឋខ្មែរមួយចំនួននៅព្រួយបារម្ភថា
នឹងអាចមានភាពវឹកវរកើតឡើងក្នុងសង្គមកម្ពុជា នៅពេលខាងមុខ។
ពលរដ្ឋខ្មែរទាំងនោះខ្លាចបក្សប្រឆាំងដឹកនាំពលរដ្ឋចុះថ្នល់ធ្វើ
បាតុកម្មទាមទារអោយមានការបោះឆ្នោតឡើងវិញ
ឬអោយមានការពិនិត្យមើលភាពមិនប្រក្រតីដែលកើតឡើងក្នុងពេលបោះ
ឆ្នោតជាដើម។
No comments:
Post a Comment